येतात पळ जातात पळ

करून जातात नुसता छळ

येतात क्षण जातात क्षण

लागत नाही कुठेच मन

येतात तास जातात तास

बळेच ढकलून घशाखाली घास 

येतात दिवस जातात दिवस

कोणत्या देवाला करू नवस

येतात आठवडे जातात आठवडे 

जातात तडे उठतात ओरखडे 

येतात पक्ष जातात पक्ष

लागत नाही कशातच लक्ष

येतात मास जातात मास

जीवाला फक्त एकच ध्यास

येतात वर्षे जातात वर्षे

जीवनात कुठे ना हर्ष

येते जीवन जाते जीवन

साठवते मनात एक आठवण

येते स्मरण जाते स्मरण

कोणासाठी झुरते हे मन 

झुरल्या डोळ्यात भरली तहान

आत्मा पडला शरीरात गहाण 